Қостанай облысында ҰБДҚ паспорттарын толтыру бойынша оқыту вебинары өтті. 2025 жылғы 27 мамырда Ақпараттандыру және білім сапасын бағалаудың әдістемелік орталығы білім бөлімдері мен орта білім беру ұйымдарының мамандарына арналған оқыту вебинарын өткізді. Іс-шараның мақсаты — «Ұлттық білім беру деректер қоры» ақпараттық жүйесін, атап айтқанда «Шығаруды және көшіруді ресімдеу» бөлімін сапалы және уақтылы толтыруды қамтамасыз ету. Вебинарға облыстың түкпір-түкпірінен 300-ден астам өкіл қатысты. Қатысушыларға деректерді енгізудің техникалық және мазмұндық аспектілері бойынша егжей-тегжейлі түсініктемелер, сондай-ақ типтік қателер және олардың алдын алу жолдары бойынша ұсыныстар берілді. Мұндай іс-шаралар мамандардың цифрлық сауаттылығын арттыруға ықпал етеді және өңірдегі білім беру статистикасының өзектілігі мен дұрыстығын қамтамасыз етеді.
